Өлкөнүн экономикалык жана финансылык бакубаттыгы аталган чөйрөнүн кызматкерлеринин жасаган ишине жараша болот. Ал эми, мамлекеттин өнүгүшү дал ушул тармактардан көз каранды. Бул тууралуу Экономика жана коммерция министрлигинде өткөн иш-чарада белгиленди. Финансы-экономикалык тутумдун кызматкерлерин куттуктаган Министрлер кабинетинин төрагасынын биринчи орун басары Арзыбек Кожошев алдыңкы кызматкерлерге Министрлер Кабинетинин "Ардак граматасын", "Алкыштарды" тапшырды.