Цæгат Ирыстоны хицауады сæрдар Дзанайты Барис видеобастдзинады руаджы архайдта паддзахадон советы къамисы æмбырды. Дзырдтой «Экономика æмæ финансы» къабазы фарстатыл.

Къамисы сæйраг хæс – регионты райрæзтæн финансон авналæнтæ агурын. Æмбырды архайджытæ радзырдтой, цавæр мадзæлттæ баххуыс уыдзысты санкциты рæстæг инвестицион змæлд фæцырддæр кæнынӕн, уый. Фæуæрæхдæр кæнын хъæуы бюджетты хъомыс дæр.

Дискусситы рæстæг цы докладтæ бацæттæ кодтой, уыдон арвитдзысты финансты министрадмæ. Докладтæ хынцгæйæ бæрнон дарддæр сфидар кæндзысты бюджеттæ 2023, 2024 æмæ 2025-æм азтæн.
_________________________
Мы рядом в:
vk.com/irystontv
ok.ru/irystontv
youtube.com/irystontv
zen.yandex.ru/irystontv
t.me/irystontv